Tuesday, July 20, 2010

హృదయం

నా హృదయం అలౌకికానందంతో ఉప్పొంగిపోతోంది.
మూలమేమిటా అని పరిశీలనగా చూశాను.

ఒక చిన్న తీగ దొరికింది. అదొక మాటల తీగ.
ఆ తీగ ఆధారం కోసం చూశాను. ప్రక్కనుండి నవ్వుల పసిడి తీగ.

కొంచెం ముందుకు వెళ్ళి చూస్తే
అద్భుత సౌందర్యలతా ప్రేమసుమాలు పలుకరిస్తున్నాయి.

వాటి ప్రక్కనే విరిసిన శృంగార నవమల్లికాలతలు
నన్నల్లుకుని పులకాంకితుడిని చేస్తున్నాయి.

అసలిన్ని తీగలు ఎక్కడ నుండి ఉద్భవించాయో..!
సున్నితంగా సునిశితంగా పరికిస్తే.........

ఆశ్చర్యం! నీ ప్రేమాన్విత హృదయంలోని
స్నేహమనే చిరుబీజాన్ని నా హృదయంలో వెదజల్లావుగా !

ఆ బీజమే హృదయమంతా అల్లుకుని నాకింత ఆనందాన్ని పంచుతోంది.
నేస్తమా ! ఎంత బావుందో...
'నా' అనుకుంటున్న 'నీ' హృదయం.



3 comments:

  1. padmarpitagaru,

    innallaki rply ichinanduku veruga bhavinchakandi. e madhya aneka vottidulavalana andariki, blogki kuda duramayyanu. kani, manasuki matram duram kaledu. dhanyavadamulu. kalustu unde prayatnam chestanandi.

    ReplyDelete
  2. నేస్తమా ! ఎంత బావుందో...
    'నా' అనుకుంటున్న 'నీ' హృదయం.బావుందండి. మిగతావి చదివి చెప్తాను.

    ReplyDelete