అనామికగా నన్ను వదిలేసాడు
ఆయనొక గొప్ప మాయగాడు
ఆటలాడడం ఆయనకు చాలా సరదా
మభ్యపెట్టడం మరింత సరదా
దోబూచులాడడం ఆయనకు అలవాటె.
ఒకరిని కలపాలంటేమరొకరిని తీసేయాల్సిందే.
అలా తీసేస్తాడనీ, నమ్మించి మోసం చేస్తాడని తెలియలేదు.
నేనేదో గొప్పవాడిననే భావన నా నేస్తానికి కల్పించి,
నాకున్నదంతా ఒట్టి అజ్ఞానమని అనిపించడానికి
ఆయన ఎంత పన్నాగం పన్నాడో.
తానే నా సర్వస్వమని తనతో చెప్పించి
తనకు మాత్రం నేనేమీ కానని చెప్పాడు.
సత్యం వేరే ఉందని నమ్మబలికాడు
నాకు ప్రేమించడం చేతకాదని ఋజువు చేశాడు.
ఆయన ప్రేమలాగా నా ప్రేమ గొప్పది కాదని
నేనొట్టి మనిషినేనని నా నేస్తానికి నన్ను దూరం చేస్తున్నాడు.
ఎందుకో తెలుసా?
నా నేస్తమంటే నాకు ఆయన కన్నా ఎక్కువని భావించానని.